“Yara Clean Ammonia”, “North Sea Container Line” və “Yara International” dünyanın ilk ammonyakla işləyən konteyner gəmisi olacaq “Yara Eyde”-ni sifariş etmək üçün “CMB.TECH” ilə əməkdaşlıq sazişi bağlayıblar.
“Seanews.az” xəbər verir ki, buz sinfinə aid 1400 TEU-luq konteyner gəmisi Çinin “Qingdao Yangfan Shipbuilding” tərsanəsində inşa ediləcək.
“Yara Eyde”-nin 2026-cı ilin ortalarına qədər təhvil verilməsi gözlənilir. O, Norveç və Almaniya arasındakı marşrutlara xidmət göstərəcək.
Gəmi “CMB.TECH”-in konteyner bölməsi olan “Delphis” şirkətinə məxsus olacaq və “NCL Oslofjord AS” tərəfindən (“North Sea Container Line” və “Yara Clean Ammonia”-nın birgə müəssisəsi) istismar ediləcək. “NCL”-nin strukturu “Yara Clean Ammonia” gəmini ammonyak yanacağı ilə təmin edəcək.
“NCL Oslofjord AS” gəmiləri yalnız ammonyakla işləyən dünyada ilk xətti gəmiçilik olmağı hədəfləyir.
“Offshore-energy.biz” portalı xəbər verir ki, konteyner gəmisinin akkumulyator və sahil elektrik şəbəkəsinə qoşulma imkanı ilə təchiz edilməsi də planlaşdırılır.
