“Disrupt-X” və “Delta Flow Global” şirkətləri qlobal limanlar üçün intellektual əməliyyat sisteminin hazırlanması məqsədilə tərəfdaşlıq müqaviləsi imzalayıblar.
Əməkdaşlıq çərçivəsində mövcud “ALEF 360°” platforması liman operatorlarının ehtiyaclarına uyğun şəkildə təkmilləşdiriləcək. Yeni həll liman terminallarında texniki xidmətin və müəssisə aktivlərinin idarə olunmasını (EAM), eləcə də real vaxt rejimində əməliyyatların izlənilməsini təmin edəcək.
Platforma vasitəsilə operatorlar texniki avadanlıqları, logistika sahələrini və kommunal xidmətləri vahid rəqəmsal mühitdə idarə edə biləcəklər. Bu isə əməliyyatlarda gecikmələrin azaldılmasına və texniki xidmət proseslərinin daha səmərəli planlaşdırılmasına imkan yaradacaq.
Bundan əlavə, Kompüterləşdirilmiş Texniki Xidmət İdarəetmə Sistemi (CMMS) və EAM funksiyalarının inteqrasiyası sayəsində aktivlərin idarə olunması və işçi qüvvəsinin fəaliyyəti tam rəqəmsallaşdırılacaq, bu da liman əməliyyatlarının effektivliyini artıracaq.
Seanews.az
