Oman sahillərində, Hörmüz boğazı yaxınlığında bir gəmidə yanğın baş verib.
Denizxeber.az bildirir ki, bu barədə Böyük Britaniyanın Dəniz Ticarət Əməliyyatları Mərkəzi məlumat yayıb.
Hadisə Omanın Kumzar yaşayış məntəqəsindən təxminən 8 dəniz mili şimal-qərbdə qeydə alınıb. Yanğının səbəbi hələlik müəyyən edilməyib və araşdırma aparılır.
Mərkəz bölgədə hərəkət edən gəmilərə ehtiyatlı olmağı, həmçinin hər hansı şübhəli fəaliyyət barədə dərhal məlumat verməyi tövsiyə edib.
