MƏQALƏLƏRİN TƏRTİBİ QAYDALARI
- Əlyazma A4(210x297mm) formatlı, yuxarı və aşağıdan 25 mm, soldan və sağdan 20mm boş yer saxlamaqla çap olunur. Əlyazmanın həcmi 8-10 səhifədən çox olmamalıdır.
- Hər bir məqalədə UOT indekslər və ya PACS tipli kodlar göstərilməlidir.
- Məqalə üç dildə- azərbaycan, rus və ingilis dillərində çap oluna bilər. Məqalədə xülasə 3 dildə və 100-150 söz aralığında verilməlidir. Müxtəlif dillərdə olan xülasələrin mətnləri eyni və məqalənin məzmununa uyğun olmalıdır. Açar sözlər üç dildə-azərbaycan, rus və ingilis dillərində verilməlidir.
- Məqalənin mətnləri azərbaycan dilində-latın, rus dilində-kiril, ingilis dilində-ingilis əlifbası ilə Times New Roman versiyasında 12 şrift ilə, bir intervalla yığılmalıdır.
- Tənliklər və düsturlar mətndən bir boş sətirlə ayrılmalıdı.
- Düsturları, ardıcıl olaraq, sətrin sağ tərəfində dairəvi mötərizələrdə yerləşdirilmiş ərəb rəqəmləri ilə nömrələmək lazımdır.
- Simvolların və ədədi əmsalların izahı bilavasitə düsturun altında, onların düsturda rast gəldiyi ardıcıllıqla verilməlidir.
- Məqalənin nəticələrində elm sahəsinin və məqalənin xarakterinə uyğun olaraq işin elmi yeniliyi, tətbiqi əhəmiyyəti, iqtisadi səmərəsi və əsas alınan nəticələr aydın şəkildə verilməlidir.
- Məqalənin sonunda verilən ədəbiyyat siyahısı istinad olunan ədəbiyyatların mətndə rast gəlindiyi ardıcılıqla verilməlidir. Onlara istinad [1] və ya [1,s.119] kimi işarə olunmalıdır. Ədəbiyyat siyahısında son 5-10 ilin elmi məqalələrinə, monoqrafiyalarına və s. istinadlara üstünlük verilməlidir.
- Məqalədə müəllif(lər)in işlədiyi müəssisə və onun ünvanı, müəllifin elektron poçt ünvanı göstərməlidir.
- Məqalənin sonunda məqaləni çapa tövsiyə edən müəssisənin elmi şurasının müvafiq iclas protokolunun nömrəsi və uyğun tarixi qeyd olunmalıdır.
- Müəllif(lər) məqalənin çap olunması üçün yazılı surətdə razılıq verməlidir(lər).
- Səhifələr vərəqin sağ tərəfdəki aşağı küncündə karandaşla nömrələnməlidi.
- Əlyazmada aşağıdakı ardıcıllıq gözlənməlidir:
- UOT indeks(qalın, 11 ölçü, böyük hərflərlə, məqalənin yuxarısında, sol hissədə abzasdan yazılmalı);
- məqalənin adı(qalın, 12 olçü, böyük hərflərlə yazılmalı, UOT indekslə məqalənin adı arasında iki interval buraxılmalıdır);
- müəllif(lər)in soyadı, adı, atasının adı (qalın, 12 olçü, kiçik hərflərlə yazılmalı, məqalənin adı ilə müəllif(lər)in soyadı arasında bir interval buraxmalıdır);
- təşkilatın adı, ünvanı, E-mail (12 olçü, kursiv, kiçik hərflərlə yazılmalı, müəllif(lər)in soyadı ilə təşkilatın adı, ünvanı, E-mail arasında bir interval buraxılmalıdır);
- Xülasə
- Abstract
- Аннотация
- Açar sözlər
- Key words
- Ключевые слова
- Giriş
- Məsələnin qoyuluşu
- Alınmış nəticələrin analizi
- Nəticə
- İstifadə olunmuş ədəbiyyat
- Əlyazmalar 2 nüsxədə və elektron variantda təqdim olunur.
