Misirdə üç yeni gəmiqayırma zavodunun tikintisi planlaşdırılır.
“Seanews.az” bu barədə Misir Sənaye Federasiyasının bəyanatına istinadən məlumat verir.
Süveyş və Qırmızı dəniz qubernatorluqlarında tikintinin maliyyələşdirilməsi dövlət-özəl tərəfdaşlıq formatında həyata keçiriləcək.
200-500 min kvadratmetr sahədə yerləşəcək hər gəmiqayırma zavodunun inşasına 30-50 milyon dollar vəsait xərclənəcək.
Tikinti işlərinin 2027-ci ilin birinci yarısından gec olmayaraq başa çatdırılması nəzərdə tutulur.
Qeyd olunur ki, artıq Fars körfəzi şirkətləri tərəfindən bu layihələrdə iştirakla bağlı danışıqlar aparılır.
