Çukotkada 2026-cı il naviqasiya mövsümü “Paris” tankerinin Anadyr dəniz limanının akvatoriyasına ilk daxil olması ilə başlayıb. Gəmi limanda təxminən 2,8 min ton neft məhsulu boşaldacaq.
Denizxeber.az bildirir ki, limanda fəaliyyət göstərən terminal reyd tipli olduğundan, yükləmə-boşaltma əməliyyatları açıq reyd zonasında portun üzən vasitələri ilə həyata keçirilir. Reyd istənilən suoturumuna malik gəmilərin daxil olması üçün əlverişlidir.
Əsas yük axını kömürdən ibarətdir. Bu məhsul həm ixrac üçün, həm də Çukotka və Kamçatka regionlarının daxili tələbatının ödənilməsi üçün daşınır. Bundan əlavə, ümumi, maye və konteyner yüklərinin emalı da həyata keçirilir ki, bu da sahilyanı yaşayış məntəqələrinin təchizatında mühüm rol oynayır.
2025-ci ildə Anadyr dəniz limanının və terminal infrastrukturlarının ümumi yük dövriyyəsi 1 milyon 420 min ton təşkil edib.
