Mərakeşdən qeyri-qanuni miqrant axınının qarşısını almaq məqsədilə İspaniya tərəfindən Seuta muxtar şəhərinin sahil akvatoriyasında quraşdırılan yeni dəniz maneələri sistemi miqrasiya probleminin köklü həlli üçün kifayət etməyəcək.
Denizxeber.az bildirir ki, sahələr üzrə mütəxəssislər dənizdə yerləşdirilən bu üzən baryerin yalnız köməkçi təhlükəsizlik tədbiri olduğunu və sərhədin su vasitəsilə qeyri-qanuni keçilməsi hallarını sadəcə müvəqqəti olaraq azaldacağını bildirirlər.
Miqrasiya və dəniz təhlükəsizliyi məsələləri üzrə ekspert Əbdülhəmid Camur qeyd edib ki, dəniz və quru sərhədlərində nəzarət tədbirlərinin sərtləşdirilməsi həmişə kontrabandaçıların onlardan yan keçmək üçün yeni marşrutlar tapması ilə nəticələnir. Ekspert misal olaraq insan alverçilərinin və cinayətkar şəbəkələrin müasir dəniz radiolokasiya müşahidə sistemlərindən (SIVE) yayılma yollarını tapdığı Kanar adaları istiqamətindəki dəniz böhranını göstərib.
Əbdülhəmid Camurun fikrincə, qeyri-qanuni miqrasiyanı doğuran sosial-iqtisadi səbəblərin aradan qaldırılması, həmçinin miqrantların mənşə, tranzit və təyinat ölkələrinin dəniz mühafizə qurumları arasında beynəlxalq əməkdaşlığın inkişaf etdirilməsi kimi kompleks yanaşma olmadan sırf texniki dəniz baryerləri olduqca məhdud effektivliyə malik olacaq.
