Hörmüz boğazından keçən kommersiya gəmilərinin hərəkəti ABŞ-İran münaqişəsindən əvvəlki səviyyə ilə müqayisədə təxminən 90 faiz aşağı olaraq qalır.
Denizxeber.az Böyük Britaniyanın Ticarət Gəmiçiliyi İdarəsinin hesabatına istinadən xəbər verir.
Hesabata görə, iyunun 24–26-da qeydə alınan ən aşağı göstəricilərdən sonra boğazdan keçən gəmilərin sayında sabit axın müşahidə olunur. Gəmiçilik trafikində tankerlər üstünlük təşkil edir.
Qeyd olunur ki, Oman sahillərindən cənuba doğru uzanan marşrut hələ də ən yüksək riskli dəhliz olaraq qalır. Sursatla bağlı qeydə alınmış 35 hadisədən 22-si məhz bu ərazidə baş verib.
Hesabatda, həmçinin bildirilib ki, son yeddi gün ərzində ABŞ ordusu İranla əlaqəli ticarət gəmilərinin Hörmüz boğazından keçməsinin qarşısını almaq məqsədilə tədbirləri gücləndirib.
