Qazaxıstanda Xəzər dənizinin sahillərində “mif meydanı” açılıb. SİA-nın Qazaxıstan mətbuatına istinadən verdiyi xəbərə görə, Aktau şəhərində meydanın açılması ilə bağlı keçirilən təntənəli tədbir Qazaxıstanın Müstəqillik Gününə həsr olunub.
“Miflər meydanında” 13 mifik simvol var. Onlar arasında Əjdaha, dəvə üzərində qız, Qu quşu və digərləri yer alıb.
Dəniz sahilində eyni zamanda 102 metr uzununa, 24 metr enə malik olan pilləkan tikilib. “Mif meydanı”nın 4.5 min kvadratmetri çəmənlə örtülüb.
