Konqo Demokratik Respublikasının qərb regionunda yerləşən göllərdən birində insanları daşıyan gəminin qəzaya uğrayaraq batması nəticəsində azı 30 nəfər həyatını itirib. Bir neçə yüz insan itkin düşmüş hesab olunur.
“Report” TASS-a istinadən xəbər verir ki, bu barədə bazar günü yerli hakimiyyət dairələri nümayəndəsinin bəyanatına istinadən “Associated Press” məlumat yayıb.
İnonqo şəhər meri Saymon Vembanın sözlərinə görə, sərnişin gəmisi Mai-Ndombe gölündə çevrilərək batıb. O bildirib ki, gəmidən onların əksəriyyəti maaş almaq üçün gölün o biri tayına gedən yerli məktəblərin müəllimləri olub. İki yüz nəfərə yaxın insan itkin düşmüş hesab edilir.
Qəza zamanı 80-dən çox sərnişinin həyatını xilas etmək mümkün olub.