Nigeriyada dəniz piratçılığına qarşı mübarizə haqqında qanun qüvvəyə minib

276

Nigeriya prezidenti Məhəmməd Buxari dəniz piratlığı ilə mübarizə və ölkənin ərazi sularının təhlükəsizliyinin təmin edilməsi haqqında qanun imzalayıb. 

“Report” xəbər verir ki, bu barədə Bloomberg məlumat yayıb.

Agentliyin verdiyi məlumata görə, Nigeriya Dəniz Administrasiyası və Təhlükəsizlik Agentliyinin rəhbəri Dakuku Petersaydın sözlərinə istinadən bildirir ki, qanun Nigeriya sularında dəniz marşrutlarının təhlükəsizliyini artırmağı hədəfləyir.

Bundan əlavə, Petersaydın sözlərinə görə, bu qanun ölkənin dəniz limanlarına malların etibarlı və təhlükəsiz daşınmasını təmin edir və eyni zamanda, qanuna zidd olaraq görülənlərin ədalətə çatdırılmasını təmin edir.

Yeni qanun, həmçinin, piratçılığa aid cinayətlər, əmlakın və əmlakın dənizdəki hadisələr zamanı mülkiyyətçilərə qaytarılması, həmçinin Nigeriya hökumətinin lehinə dənizdəki cinayət törətmələrindən bütün gəlirlərin müsadirə edilməsini nəzərdə tutur.