Azərbaycanın Xarici İşlər nazirinin müavini Xələf Xələfov ilə rusiyalı həmkarı, status-katib Qriqori Karasin arasında telefon danışığı baş tutub.
Bu barədə “Report” Rusiya Xarici İşlər Nazirliyinin saytına istinadən xəbər verir.
“Söhbət zamanı ikitərəfli əməkdaşlıq, eləcə də tərəflərin qarşıdan gələn I Xəzər İqtisadi Forumuna hazırlıq, beynəlxalq və regional məsələlər müzakirə olunub”, – nazirliyin məlumatında deyilir.
Qeyd edək ki, I Xəzər İqtisadi Forumu 2019-cu il avqustun 12-də Türkmənistanın “Avaza” milli turizm zonasında keçiriləcək.