Türkiyənin Bursa şəhərində yerləşən Otantik gəmi-otelə maraq artır.
Bu barədə AZƏRTAC-a gəmi-otelin satış meneceri Nurcan Yılmaz məlumat verib.
O bildirib ki, otelə dünyanın dörd bir yanından qonaq gəlir. 1961-ci ildə İngiltərədən alınan və 2000-ci ilə qədər İstanbul adalar arasında fəaliyyət göstərən gəmi 2006-cı ildə təmirə dayanıb. İki illik təmirdən sonra gəmi otel kimi fəaliyyətə başlayıb.
Uzunluğu 46 metr, eni 11 metr olan bu unikal gəmi-otel hazırda 20 otaqla dünyanın müxtəlif yerlərindən gələn turistlərə xidmət göstərir.
Qeyd edək ki, dünyada cəmi üç gəmi-hotel mövcuddur.
© Materiallardan istifadə edərkən hiperlinklə istinad olunmalıdır