“Chevron” “Noble Energy”ni satın alır

67

ABŞ-ın neft şirkəti “Chevron Corp” ölkənin digər enerji şirkəti “Noble Energy”ni 5 milyard ABŞ dolları dəyərində hissə mübadiləsi ilə satın alacağını açıqlayıb.

“Report” xarici mətbuata istinadən xəbər verir ki, bununla da “Chevron” qaya nefti yataqlarını genişləndirəcək.

Məlumata görə, bu razılaşma ilə “Chevron” ötən ilin sonunda təbii qaz hasilatına başlanılan Şərqi Aralıq dənizindəki ən böyük yataq “Leviathan”a da tərəfdaş olacaq.

““Chevron” kəşfiyyat və istehsal şirkətlərinə qarşı güclü, nisbi performansından istifadə edir. Beləliklə də bəzi yüksək keyfiyyətli aktivləri almaq üçün böhrandan istifadə edir”, – Londonda yerləşən müstəqil neft və dağ-mədən məsləhətçisi “Palissy Advisors”ın prezidenti Anish Kapadia bildirib.