“DFDS” şirkəti və tərəfdaşları, hidrogen yanacaq elementləri ilə çalışan bərənin layihəsinə maliyyə dəstəyi üçün Avropa Birliyinə müraciət ediblər.
“Seanews.az” xəbər verir ki, hidrogen Kopenhagen sahilləri yaxınlığında dəniz-külək enerjisi elektroliz stansiyasında istehsal ediləcək.
Bərə Oslo-Frederikshaven-Kopenhagen marşrutu üzrə istismar ediləcək. Gəminin hidrogen yanacağı qurğusunun gücü 23 Mvt-a bərabər olacaq.
Bərə 120 ədəd böyük yükü və ya 380 ədəd minik avtomobilini daşımaq qabiliyyətinə malik olacaq. Sərnişin tutumu 1800 nəfərə qədər olacaq.
Şərti olaraq “Europa Seaways” adlandırılmış bərə 2027-ci ildə istismara veriləcək.