Rusiyanın “Lukoyl” neft şirkətinin Komidəki nəqliyyat kəmərində qəza baş verib.
“Report” “RİA Novosti”yə istinadən xəbər verir ki, bu barədə Rusiya Təbiəti Mühafizə Agentliyinin başçısı Svetlana Radionova instaqramda yazıb.
O bildirib ki, qəza nəticəsində 100 tona yaxın neft tərkibli maddə qrunt sularına və torpağa sızıb. Bu isə 1,3 ha sahənin çırklənməsinə səbəb olub.
“Lukoyl”dan bildiriblər ki, hadisə yerində mütəxəssislər fəaliyyət göstərir.
