“Abşeron Logistika Mərkəzi”nə işçi lazımdır – VAKANSİYA

837

“Abşeron Logistika” MMC “Broker şöbəsinin rəhbəri” vəzifəsi üzrə vakansiya elan edir.

Tarixi İpək Yolunun mərkəzində yerləşən Abşeron Logistika Mərkəzi, beynəlxalq standartlara və Azərbaycanda inteqrasiyaya sahib olan ilk özəl logistik mərkəzdir. Rahat və əlverişli yol əlaqəsi terminaldan əsas yol nəqliyyat marşrutlarına birbaşa keçid etməyə və hədəfə tez bir zamanda çatmağa imkan verir. Müasir texnologiyalarla zəngin əməliyyat qabiliyyəti, güclü infrastruktur qurğuları və zamanın tələbinə uyğun yüksək xidmət keyfiyyəti ilə təchiz edilmiş təhlükəsiz, sürətli və davamlı logistik dəstəyi təmin edən peşəkar komandamız mərkəzin əsas kapitalı hesab olunur. Mərkəzin gələcək uğurlarına şərik olmaq istəyən peşəkarları komandamıza dəvət edirik.

Ümumi vəzifə öhdəlikləri:

• Müştərilərə gömrük təmsilçiliyi sahəsində xidmət paketini təqdim etmək;
• Yeni müştəri bazasının formalaşdırılması və korporativ müştərilərlə əlaqələrin qurulması;
• Xidmətlər paketini müştəri ehtiyaclarına müvafiq formalaşdırmaq və fərdi paketlər təqdim etmək;
• Fərdi xidmət paketlərindən istifadə üzrə məsləhət (konsaltinq) vermək;
• Gömrük rəsmiləşdirilməsi, sənədlərin tərtibatı, sertifikatların alınmasında müştəriyə dəstək; bəyannamələrin hazırlanması və rəsmiləşdirməyə nəzarət;
• Yeni müqavilələrin bağlanması üçün potensial müştərilərlə görüşlərin təşkili və cəlbi;
• Yüklərin daşınmasına nəzarət, gömrükləşdirmə məsələlərinin təşkili, bazar araşdırması və təchizatçılarla görüş;
• İşgüzar yazışmaların həyata keçirilməsi və korporativ danışıqların aparılması;
• Müştərilərlə görüşlərin keçirilməsi və təkliflərin verilməsi;
• Müştərilərə şirkətin təqdim etdiyi xidmət performansını izləmək və keyfiyyəti təmin etmək;
• Müştəri loyallığını izləmək və müsbət nəticəni təmin etmək;
• Görüşlərin nəticələrinin izlənilməsi;
• Fəaliyyətlə bağlı hesabatların vaxtlı-vaxtında təqdim edilməsi;
• Cəlb edilmiş müştərilər ilə daim ünsiyyətdə olmaq.

Namizədə qarşı tələblər:

• Ali təhsil;
• Müştərilərlə iş sahəsində minimum 5 illik iş təcrübəsi;
• Gömrük orqanları və broker xidmətləri sahəsində təcrübənin olması;
• Dil bilikləri: Azərbaycan dili əla, Rus və İngilis dilləri arzuolunandır;
• Komputer bilikləri: Word, Excel, Power point, Outlook proqramlarını mükəmməl bilməli;
• Peşəkarlıq tələbləri:
– Ünsiyyətcil, işgüzar, səlist və aydın danışıq qabiliyyətinin olması;
– Dəqiqlik və məhsullarla düzgün işləmə bacarığı;
– Müştərini dinləmək və inandırmaq bacarığı;
– Təqdimat bacarığı;
– Heyəti idarə etmə bacarıqları,
– Proses idarəçiliyi bacarığı.

Göstərilən tələblərə uyğun namizədlər öz CV-lərini [email protected] elektron ünvanına göndərə bilərlər. CV-lərin qəbulu üçün son tarix 30 sentyabr 2021-ci il tarixidir.

Müraciət etdiyiniz vəzifənin adını email-in mövzu hissəsində “Broker şöbəsinin rəhbəri” şəklində göstərməyiniz xahiş olunur. Əks təqdirdə belə müraciətçilərin namizədliyinə baxılmaya bilər. Həmçinin bildirmək istərdik ki, işə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.

fed.az