Helsinki limanının 2021-ci ilin yanvar-sentyabr aylarında yük dövriyyəsi ötən ilin eyni dövrü ilə müqayisədə 7,9% artaraq 10,63 milyon tona çatıb.
“Seanews.az”-ın məlumatına görə, hesabat dövründə balkerlərlə daşınan yüklərin aşırılmasının həcmi 0,6% azalaraq 947,12 min tona, konteyner dövriyyəsi 6,1% azalaraq 357,95 min TEU-ya düşüb.
Yükaşırma müəssisəsindən keçən texniki vasitələrin sayı 9,9% artaraq 489,9 min vahid təşkil edib.
Limandan daşınan sərnişinlərin sayı 43,1% azalaraq 2,35 milyon nəfər olub. Limana gəmi daxilolmalarının sayı 1% artaraq 5296-ya çatıb.
Helsinki limanı Finlandiyanın ən böyük limanlarından biridir. 2020-ci ildə limanın buraxılış qabiliyyəti 13,3 milyon ton olub. Ölkə üzrə sərnişinlərin də 77%-i bu limandan keçib.
