Arktikada ən isti hava rekordu təsdiqlənib

308

BMT-nin Dünya Meteorologiya Təşkilatı (DMT) Arktika üçün hava hərarəti rekordunu rəsmən təsdiq edib.

“Report” təşkilata istinadən xəbər verir ki, 2020-ci il iyunun 20-də Rusiya Federasiyası Sibir regionundakı Verxoyansk qəsəbəsində qeydə alınmış 38 dərəcə (C) isti Yer kürəsinin şimal qütb bölgəsində indiyədək qeydə alınmış ən isti hava şəraitidir.

Ötən ilin yayında Arktikanın Sibir regionundakı orta hərarətin çoxillik normadan 10 dərəcə yuxarı olduğu da bildirilir.

DMT-nin Baş katibi Petteri Taalas yeni rekordu təşkilatın Hava və İqlim Ekstremumları Arxivində qeydiyyatdan keçirdiklərini diqqətə çatdırıb.

Onun sözlərinə görə, 2020-ci ildə Antarktika üçün 18,3 dərəcəlik rekord isti hava qeydə alınıb.