Şanxayda 20 mindən artıq koronavirusa yoluxma halının qeydə alınması yerli limanın işinə də təsir etməyə başlayıb. Keçən ay dəniz daşımalarında 25 faiz azalma müşahidə olunub.
Bu qənaətə Amerikanın “ForKites” şirkətinin analitikləri gəliblər.
Meqapolisdə lokdaun rejiminin başlaması fonunda daşımaların həcmi kəskin şəkildə azalıb. Limanda daşımaların dayanmamasına baxmayaraq, ekspertlər malların olduğu konteynerlərin yüklənməsi və boşaldılmasında gecikmələr ola biləcəyindən ehtiyat edirlər.
Onlar qeyd ediblər ki, hazırda 400-ə yaxın gəmi Şanxay dəniz terminalına daxil olmaq üçün gözləyir ki, bu da öz növbəsində qlobal təchizat zəncirində yeni fasilələrə səbəb ola bilər.
Mənbə: “24 xabar”
