Yaxın Şərqdə vəziyyətin pisləşməsi ilə əlaqədar Aralıq dənizində kruizlər zamanı İsrailə səfər etmiş bir sıra kruiz şirkətləri təcili olaraq limanlarını tərk etmək və marşrutlarını dəyişmək məcburiyyətindədirlər.
“Seanews.az” xəbər verir ki, hazırda kruiz gəmiləri müvəqqəti olaraq İsrailin Aralıq dənizindəki Hayfa və Aşdod limanlarına yan almır və bəzi səfərlər ləğv edilib. Oktyabrın 13-ü üçün Hayfadan yola düşən “Royal Caribbean” kruiz şirkətinin “Rhapsody of Seas” layneri ilə bütün qısa kruizlər ləğv edilib.
Eyni zamanda, şirkətlər səfər limanlarını dəyişdirərək kruiz mövsümü proqramlarını tamamlamağa ümid edirlər. Yaxın vaxtlarda laynerlər Hayfa əvəzinə Türkiyəyə (Bodrum və Alanya elan edilib), eləcə də Kiprin Limassol şəhərinə səfər edəcək.
Vəziyyət “MSC Cruises” şirkətinin “MSC Musica” laynerində səyahət etməyi planlaşdıran rus turistlərə də təsir edib: sərnişinlərin və laynerin heyətinin təhlükəsizliyi üçün kruiz marşrutu dəyişdirilib.
