Panama kanalı ilə yük daşımasındakı problemlər fonunda 2024-cü il yanvarın 15-dən gəmilərin Süveyşdən tranziti üçün ödənişlər artırılacaq. Süveyş Kanalı İdarəsi bütün növ tankerlər, konteyner gəmiləri, avtomobil daşıyıcıları və kruiz gəmiləri üçün tranzit ödənişlərinin 15% artırılacağını bildirib.
Balkerlər, universal gəmilər və bərələr üçün tranzit tarifinin indeksasiyası 5% təşkil edəcək. Panama kanalının su təchizatı ilə bağlı problemlərə görə 2023-cü ildən gəmilərin tranzitinə məhdudiyyətlər tətbiq edilib.
Müvafiq olaraq, yük daşımalarını Süveyş kanalı istiqamətinə yönəltmək məcburiyyəti yaranıb.
