“CMA CGM” Qırmızı dənizin cənubundakı vəziyyəti qiymətləndirərək, dəyişən şəraitə uyğun tranziti bərpa etmək barədə qərar qəbul edib.
“Seanews.az” xəbər verir ki, qərar hər bir konkret gəmi üçün ayrı-ayrılıqda qəbul ediləcək.
“Hər bir gəminin hər keçidindən əvvəl bölgədəki vəziyyət diqqətlə qiymətləndirilir, ona görə də marşrut seçimini proqnozlaşdırmaq və bu barədə məlumat vermək mümkün deyil”, -deyə “CMA CGM” qeyd edib.
Təhlükə halında, gəmilər Ümid burnuna yönləndiriləcək.
“CMA CGM” bu il fevralın 1-dən bütün gəmilərini Ümid burnu ətrafındakı marşruta yönləndirdi. Bundan əvvəl, gəmiləri Asiya-Avropa və Asiya-Aralıq dənizi xidmətlərində Qırmızı dəniz və Süveyş kanalı vasitəsilə üzməyə davam edən yeganə əsas konteyner xətti olaraq qaldı. Konteyner gəmiləri Fransa Hərbi Dəniz Qüvvələrinin gəmilərinin müşayiəti ilə bu bölgədən keçirdi.