Niderlandın “Jumbo Shipping” və Almaniyanın “SAL Heavy Lift” şirkətləri Amerikanın çoxməqsədli gəmi operatoru “Intermarine” ilə alyans yaradıblar.
“Seanews.az” xəbər verir ki, “JSI Alliance” adlanan alyans martın ilk günündən fəaliyyətə başlayıb. Alyansın donanmasına 50 gəmi daxildir.
Xatırladaq ki, 2021-ci ilin yazında “Jumbo Shipping” və “SAL Heavy Lift” birgə müəssisə – “Jumbo-SAL-Alliance” yaradıb. “Intermarine-in alınmasını birgə müəssisənin təkamülü kimi qiymətləndirmək olar. “Jumbo” və “SAL”-ın xidmətləri və donanmaları bir-birini tamamlayır, “Intermarine”-in logistika məhsulları isə bir qədər fərqlidir və biznesin əhatə dairəsini genişləndirir. “Intermarine” 500 tona qədər yükləri idarə etmək üçün təchiz olunmuş çoxməqsədli gəmilər donanmasını idarə edir, “Jumbo Shipping” və “SAL” isə daha böyük gəmilərə malikdir.
Bundan əlavə, “Intermarine” həm qısa, həm də uzunmüddətli əsasda öz və icarəyə götürülmüş gəmiləri idarə etməkdə böyük təcrübəyə malikdir. Daxili donanmalar adətən mürəkkəb yük əməliyyatları ilə məşğul olsa da, həcm daşımaları və gəmi mövqeləri fərqli yanaşma tələb edə bilər. “Intermarine”-in təklif etdiyi çevik kommersiya həllərinə diqqət “JSI Alliance”-a müştərilər üçün həqiqətən bir pəncərəyə çevrilmək məqsədinə çatmağa kömək edəcək”, – deyə alyans qeyd edir.
