2024-cü ilin yanvar-fevral aylarında Çinin Honkonq limanının konteyner dövriyyəsi ötən ilin müvafiq dövrü ilə müqayisədə 2,9% artaraq 2,19 milyon TEU təşkil edib.
“Seanews.az” xəbər verir ki, limanın ən böyük konteyner terminalı olan “Kwai Tsing” vasitəsilə aşırılma 4,1% artaraq 1,7 milyon TEU-ya çatıb.
Hesabat dövründə digər terminallarla 485 min TEU aşırılıb ki, bu da 0,9% az deməkdir.
Honkonq limanı dünyanın ən böyük yükaşırma mərkəzlərindən biridir. Ötürmə qabiliyyəti ildə 456 min gəmi olan limanın konteyner dövriyyəsi 2023-cü ildə 14% azalaraq 14,3 milyon TEU-ya düşüb.
