Qadınların dəniz təhlükəsizliyinin təmin edilməsində oynadığı rol bu il Beynəlxalq Dənizçi Qadınlar Günündə Beynəlxalq Dəniz Təşkilatı tərəfindən bütün dünyada qeyd olunacaq.
Allmarinenews xəbər verir ki, bu barədə Beynəlxalq Dəniz Təşkilatının baş katibi Arsenio Dominguez məlumat verib.
Hər il mayın 18-də qlobal miqyasda qeyd olunan Beynəlxalq Dənizçi Qadınlar Gününün məqsədi sektorda qadınların işə qəbulu, saxlanması və səlahiyyətlərinin artırılmasını, habelə maneəsiz iş mühitini təşviq etməkdir.
Mayın 17-də Cümə günü IMO-nun Londondakı baş qərargahında “Təhlükəsiz Üfüqlər: Dəniz Təhlükəsizliyinin Gələcəyini Formalaşdıran Qadınlar” ( “Safe Horizons: Women Shaping the Future of Maritime Safety”) mövzusunda beynəlxalq simpozium keçirəcək. Tədbir IMO-nun Youtube kanalında canlı yayımlanacaq. Simpoziumda görkəmli dənizçilər, dəniz mütəxəssisləri və dəniz liderləri iştirak edəcəklər. Onlar dəniz təhlükəsizliyinin qadın obyektivindən yenidən qurulması və gender mülahizələrini nəzərə alaraq dənizdə təhlükəsizliyə vahid yanaşmanın necə həyata keçiriləcəyi barədə danışacaqlar.
Baş katib A.Dominguez bildirib ki, məqsəd təkcə qadınların uğurlarını dilə gətirmək deyil, həm də bərabər imkanları müdafiə etmək və müxtəlif iş yerlərinin təklif etdiyi bütün potensialı açmaq, diqqət mərkəzində saxlamaq və karyera imkanları ilə bağlı ayrı-seçkilik, bərabərsizliklər kimi üzləşdikləri problemlərə diqqəti artırmaqdır:
“Dənizçilik sektoru qadınlar üçün dənizçilikdən mühəndisliyə, hüquqdan logistikaya və daha çox sahəni əhatə edən çoxsaylı perspektivlər təklif edir. Biz qadınlar üçün inklüziv, səlahiyyətləndirici və təhlükəsiz iş mühiti yaratmağa çalışan nümunə kimi xidmət etməliyik. -, deyə o qeyd edib”https://www.youtube.com/embed/6qeSHfMyYy4
