Ayın əvvəlində Hörmüz boğazında “CMA CGM San Antonio” konteyner gəmisinin raket zərbəsinə məruz qalması nəticəsində səkkiz heyət üzvü yaralanmış və gəmiyə ciddi ziyan dəymişdi.
Filippinin Miqrant İşçilər Departamenti yaralı dənizçilərdən ikisinin artıq ölkəyə qayıtdığını və ailələrinə qovuşduğunu açıqlayıb.
Qurumun məlumatına görə, mayın 6-da baş verən hadisə ABŞ, İsrail və İran arasında gərginliyin artması fonunda qeydə alınan və bir insidentdə ən çox dənizçinin xəsarət alması ilə nəticələnən hücum kimi qiymətləndirilir.
Hadisədən sonra ABŞ Mərkəzi Komandanlığı (CENTCOM) “Project Freedom” təhlükəsizlik proqramı çərçivəsində gəminin mühafizəsi üzrə öhdəliyini dayandırıb, proqram isə daha sonra qeyri-müəyyən müddətə təxirə salınıb. “CMA CGM” şirkəti isə gəminin bütün təhlükəsizlik tələblərinə əməl etdiyini bildirib.
Oman rəsmilərinin koordinasiyası ilə vətənə qaytarılan dənizçilər hava limanında qarşılanıb və onlara tibbi, maliyyə və psixoloji dəstək göstərilir. Yaralanan digər beş filippinli dənizçinin də yaxın günlərdə ölkəyə repatriasiyası istiqamətində işlər davam etdirilir.
Seanews.az
