Cənubi Koreyanın “Samsung Heavy Industries Co.” şirkəti iki böyük ammonyak tankerinin tikintisi üçün 240 milyon dollarlıq müqavilə imzalayıb.
“Seanews.az” bu barədə “Yonhap” agentliyinə istinadən xəbər verir.
Müqavilənin şərtlərinə görə, gəmilər 2027-ci ilin iyun ayına qədər Sakit okean regionundan adı açıqlanmayan gəmiçilik şirkətinə təhvil verilməlidir.
Beləliklə, bu il “SHI” tərəfindən alınan sifarişlərin ümumi dəyəri 6,8 milyard dollara çatıb ki, bu da 2023-cü il üçün nəzərdə tutulan 9,5 milyard dolların 72%-ni təşkil edir.
Dekabrın 26-dək “Samsung Heavy” üç il müddətinə gəmiqayırma müqavilələri bağlayıb. Bu sifariş kitabının ümumi dəyəri 31,9 milyard dollardır.
Qeyd edək ki, “Samsung Heavy Industries Co.” sifarişlərə görə dünyanın üçüncü ən böyük gəmiqayırma şirkətidir.
