Çin 1 may tarixindən etibarən rəsmi Pekinlə diplomatik münasibətləri olan Afrika ölkələrinin məhsullarını idxal rüsumlarından tam azad edəcək.
Çin-Afrika iqtisadi əlaqələrinin genişləndirilməsi istiqamətində atılan bu yeni addım çərçivəsində tətbiq edilən sıfır tarif rejimi 20 Afrika ölkəsini əhatə edəcək.
Çin bundan əvvəl, 2024-cü ilin dekabr ayından etibarən Afrikanın ən az inkişaf etmiş 33 ölkəsi üçün idxal rüsumlarını dayandırmışdı. Son qərarla bu mexanizm artıq diplomatik əlaqələri olan bütün Afrika ölkələrini əhatə edən daha geniş çərçivəyə keçir.
Yeni qanun 2 il müddətində qüvvədə olacaq.
Bu qərar Çinin Afrika bazarı ilə ticarət əlaqələrini daha da dərinləşdirmək niyyətini nümayiş etdirir. Sıfır tarif rejimi Afrika ölkələrinin Çin bazarına çıxışını asanlaşdırmaqla, xüsusilə ixracyönümlü sektorlar üçün yeni imkanlar yarada bilər.
Son açıqlama, həmçinin Pekinin Afrika ilə iqtisadi əməkdaşlığı yalnız siyasi bəyanatlar səviyyəsində deyil, real ticarət mexanizmləri vasitəsilə genişləndirməyə çalışdığını göstərir.
