Dünyanın ən böyük gəmi reyestri olan Liberiya Beynəlxalq Gəmi Reyestri heyət sertifikatlarının və uyğunluq xidmətlərinin rəqəmsallaşdırılması istiqamətində mühüm addım atıb. Reyestr elektron dənizçi sənədlərini və xüsusi mobil tətbiqini istifadəyə verib.
“Seanews.az” xəbər verir ki, yeni sistem sayəsində Liberiya bayrağı altında üzən gəmilərdə xidmət edən dənizçilər öz dənizçi kitabçalarına, lisenziyalarına, ixtisas sertifikatlarına və dəniz stajı qeydlərinə yeni yaradılmış “SEA360” mobil tətbiqi vasitəsilə birbaşa daxil ola biləcəklər. Kağız sənədlərin rəqəmsal ekvivalenti olan bu elektron vasitə liman nəzarəti müfəttişləri tərəfindən dərhal yoxlanılması üçün xüsusi QR kodlarla təmin edilib.
Reyestr həmçinin tibbi sertifikatlaşdırma, təlim mərkəzi proqramları və sənəd müraciətlərini “Seafarer Portal” adlı vahid platformada birləşdirib, habelə sənədlər verilməzdən əvvəl yoxlamaları gücləndirən “Crew360” uyğunluq sistemini tətbiq edib.
Bu addım uzun müddətdir səmərəsizlik, saxtakarlıq və gecikmələrə görə tənqid olunan kağız sənədləşməsini rəqəmsal həllərlə əvəz edir. Bununla da dənizçilik sənayesində şəffaflığın artırılması və sənədlərin təhlükəsizliyinin təmin edilməsi hədəflənir. Liberiyanın bu təşəbbüsü gələcəkdə digər bayraq dövlətləri üçün də rəqəmsal sənəd idarəçiliyi sahəsində yeni bir standart müəyyən edə bilər.
ASCO.
