ABŞ Silahlı Qüvvələrinin Mərkəzi Komandanlığı (CENTCOM) humanitar yardım daşıyan 15 gəminin Hörmüz boğazından keçməsinə icazə verildiyini açıqlayıb.
Bu barədə qurumun “X” sosial şəbəkəsində yaydığı bəyanatda bildirilir.
CENTCOM-un məlumatına əsasən, son dörd həftə ərzində ABŞ qüvvələri İran limanlarına daxil olan və oradan çıxan 67 kommersiya gəmisinin keçidinin qarşısını alıb, həmçinin 4 gəmi sıradan çıxarılıb.
Qurum bu həftənin əvvəlində xəbərdarlıq atəşi nəticəsində iki kommersiya gəmisinin kursunun dəyişdirildiyini və Hörmüz boğazında nəzarət tədbirlərinin davam etdiyini bildirib.
