Hər il avqustun 10-da rəqəmsal məzmun yaradıcılarına və sürətlə inkişaf edən videoblogerlik sahəsinə həsr olunmuş Beynəlxalq Videobloger Günü qeyd edilir.
Denizxeber.az bildirir ki, bu əlamətdar tarix 2018-ci ildə Böyük Britaniyada keçirilən və onlayn video icmasını bir araya gətirən “Summer in the City” (Şəhərdə yay) festivalının 10 illik yubileyi şərəfinə təsis olunub.
Videoblogerlik modern rəqəmsal mədəniyyətin əsas istiqamətlərindən birinə çevrilərək istifadəçilərə müstəqil şəkildə maarifləndirici, məlumatverici və əyləncəli məzmunlar hazırlayıb geniş auditoriyaya çatdırmaq imkanı yaradıb. Müasir dövrdə bu sahə sadəcə əyləncə platforması olmaqla kifayətlənmir; biliklərin paylaşılması, sosial məsələlərin işıqlandırılması, şəxsi brendlərin inkişafı və qlobal onlayn icmaların formalaşdırılmasında mühüm rol oynayır.
