Azərbaycanda 4 balıqçı itkin düşüb.
Fövqəladə Hallar Nazirliyinin (FHN) Mətbuat xidmətindən “Report”a bildirilib ki, FHN-in “112” qaynar telefon xəttinə daxil olan məlumata əsasən, oktyabrın 8-i gecə saatlarında, Bakı şəhərinin Pirallahı rayonundan balıq tutmaq məqsədi ilə 4 balıqçı dənizə çıxıb və təyin olunan vaxtda geri qayıtmayıblar.
Axtarışlara FHN-in Aviasiya Dəstəsinin bir helikopteri cəlb olunub, aidiyyəti qurumlar məlumatlandırılıb.
Əlavə məlumat veriləcək.
