Çinin cənubundakı Quanju limanından Avropaya intermodal dəmir yolu-dəniz servisi istifadəyə verilib.
“Sinxua” informasiya agentliyinin verdiyi məlumata görə, yüksək texnoloji elektronika avadanlığı ilə yüklənmiş 50 konteynerdən ibarət olan qatar Quanjudan Polşaya yola düşüb.
Təxminən 23 milyon 200 min ABŞ dolları dəyərində yük “LG” şirkətinin iki zavodundan gətirilib. Zavodlardan biri Quanjuda, digəri Vyetnamda yerləşir.
Yükün Polşaya 15 gündən sonra çatması gözlənilir. Bu müddət isə ənənəvi dəniz yolundan 20 gün tez deməkdir.
“China Railway Guangzhou Group” şirkətinin məlumatına görə, ilin əvvəlindən Orta Asiyanın Quandun əyaləti ilə Avropa arasında 5,3 min TEU yükü 107 qatar daşıyıb. Hal-hazırda bu da rekord göstərici hesab edilir.
