2023-cü ilin yanvar-iyul aylarında İngiltərədən Türkiyə limanlarına 3 milyon 458 min 441 ton yük daşınıb.
Trend xəbər verir ki, bu barədə TurkicWorld-ə Türkiyənin Nəqliyyat və İnfrastruktur Nazirliyindən məlumat verilib.
Məlumata görə, Türkiyə bayrağı altında üzən gəmilər İngiltərədən limanlara 16 min 537 ton, digər ölkələrin bayraqları altında üzən gəmilər isə 3 milyon 422 min 915 ton yük çatdırıb.
Bu müddət ərzində İngiltərə bayraqlı gəmilərlə Türkiyə limanlarına 18 min 989 ton yük çatdırılıb. 2023-cü ilin yanvar-iyul aylarında Türkiyə limanlarına İngiltərədən 779 min 901 ton tranzit yük daşınıb.
Qeyd edək ki, 2023-cü ilin iyul ayında Türkiyə limanları 32 milyon 524 min 506 ton yük qəbul edib.
