Ümumxalq Hüzn Günü ilə bağlı Bakı Limanın əməkdaşları Şəhidlər Xiyabanını ziyarət ediblər. Onlar, liman ərazisində Şəhidlərimizin xatirəsinə inşa edilən abidə və park kompleksinə də baş çəkiblər. Həmçinin, Bakı Limanının Baş direktoru Taleh Ziyadov qəhrəman limançıların ailələri ilə görüşüb. Görüşdə Şəhidlərimizin unudulmaz xatirələri yad edilib, ailələrinin fikirləri dinlənilib.
Bu faciə, eyni zamanda həm ümumxalq faciəsi, həm də müstəqillik, istiqlal zirvəsi kimi Azərbaycan tarixinə həkk olunub.
Vətən uğrunda canından keçən hər bir Şəhidimizə Allahdan rəhmət, yaxınlarına səbr diləyirik!
