İranın Ali lideri Müctəba Xameneinin müşaviri Məhəmməd Baqir Zülqədr ABŞ Prezidenti Donald Tramp və İsrailin Baş naziri Benyamin Netanyahu hakimiyyətdə olduğu müddətdə Hörmüz boğazının gəmiçilik üçün açılmayacağını bəyan edib.
Denizxeber.az-ın TASS-a istinadən verdiyi məlumata görə, Zülqədr açıqlamasında bildirib:
“Döyüşçülərimiz Tramp və Netanyahu hakimiyyət taxtından devrilənədək Hörmüz boğazını açmayacaqlar”.
O, həmçinin boğazın bağlanmasını İran xalqının qisasının “yalnız ilk mərhələsi” adlandırıb.
Qeyd edək ki, bu açıqlama İran rəsmisinin mövqeyini əks etdirir. Hörmüz boğazının gəmiçilik üçün açılması ilə bağlı vəziyyətə dair müstəqil təsdiqlənmiş əlavə məlumat təqdim edilməyib.
