Xəzər dənizində hərbi təlimlər zamanı həlak olan Qazaxıstan hərbi qulluqçularının sayı 12 nəfərə çatıb.
Denizxeber.az bildirir ki, bu barədə Qazaxıstanın Manqistau vilayətinin rəhbərliyi məlumat yayıb.
Dəqiqləşdirilmiş məlumata görə, təlim-döyüş tapşırığının yerinə yetirilməsi zamanı meteoroloji şəraitin kəskin pisləşməsi və küləyin güclənməsi nəticəsində 17 hərbi qulluqçunu su axını aparıb.
Onlardan 12-si həlak olub, 3 hərbçi xilas edilib. Daha 2 hərbi qulluqçunun axtarışları davam etdirilir.
