İşlənmiş supertankerlərin qiyməti fraxt tariflərinin kəskin artması fonunda brokerlərin müşahidələri tarixində ilk dəfə yeni gəmilərin qiymətini üstələyib.
Denizxeber.az bildirir ki, bu barədə Financial Times (FT) məlumat yayıb.
Brokerlərin məlumatına görə, təxminən 2 milyon barel neft daşımaq qabiliyyətinə malik VLCC (Very Large Crude Carrier) sinifli işlənmiş tankerlərin qiyməti yeni gəmilərin qiymətindən yüksək olub.
Məsələn, 2011-ci ildə inşa edilmiş, 314 min ton dedveytə malik “Sea Leopard” supertankeri 135 milyon dollara satılıb. Eyni dövrdə yeni VLCC tankerinin qiyməti təxminən 131 milyon dollar təşkil edib.
Yüksək fraxt tarifləri gəmi sahiblərini köhnə tankerləri satmaq əvəzinə onları istismarda saxlamağa sövq edir. Nəticədə dərhal istismara hazır gəmilərə tələbat artır və onların bazar qiyməti yüksəlir.
Baltic Exchange məlumatlarına görə, sentyabr ayında Yaxın Şərq körfəzi–Çin marşrutu üzrə VLCC fraxt göstəricisi sutkada 1 milyon dolları ötüb. Bu amil tanker bazarında qiymətlərin əhəmiyyətli dərəcədə artmasına səbəb olub.
