Cari ilin sentyabrında Arktika dəniz buzunun minimum sahəsi təxminən 4,6 milyon kvadratkilometr təşkil edib. Bu, peyk müşahidələri tarixində 10-cu ən aşağı göstərici olaraq 2008, 2010 və 2025-ci illərin nəticələri ilə eyni səviyyədə qeydə alınıb.
Denizxeber.az “ScienceDaily” nəşrinə istinadla xəbər verir ki, NASA və ABŞ Milli Qar və Buz Məlumat Mərkəzinin (NSIDC) hesablamalarına əsasən, illik minimum sentyabrın 12-də qeydə alınıb. Tədqiqatçılar 1978-ci ildən bəri davam edən peyk müşahidələrində buz örtüyünün uzunmüddətli azalma meylini diqqətə çatdırırlar. Mütləq minimum göstərici 2012-ci ilin sentyabrında qeydə alınsa da, mütəxəssislər çoxillik qalın buzların tədricən nazik və tez əriyən birillik buz qatı ilə əvəzləndiyini vurğulayırlar. Elmi proqnozlara görə, XXI əsrin ortalarına qədər Şimal Buzlu okean azı bir dəfə yay mövsümündə tamamilə buzsuz qala bilər.
