“FourKites” şirkəti sifarişdən bronlaşdırmaya qədər olan yükdaşıma proseslərini avtomatlaşdırmaq məqsədilə “Booking Connect for Ocean” adlı süni intellekt əsaslı yeni platformanı istifadəyə verib.
istem müqavilələrin idarə olunması, optimal daşıyıcının seçilməsi və sənədləşmə proseslərini insan müdaxiləsi olmadan həyata keçirmək imkanına malikdir. Yeni həll “FourKites Intelligent Control Tower” platformasına inteqrasiya olunaraq vahid rəqəmsal idarəetmə mühiti yaradır.
“Booking Connect for Ocean” platforması daşıyıcıların tarif sazişlərini və əlavə ödənişlərini vahid rəqəmsal profilə toplayaraq ənənəvi, vaxt aparan bronlaşdırma proseslərini aradan qaldırmağı hədəfləyir. Sistem həmçinin daşıyıcı seçimi, sənəd dövriyyəsi və istisna halların idarə edilməsini avtomatlaşdırılmış şəkildə həyata keçirir.
Bu texnologiya logistika sahəsində əməliyyat xərclərini azaltmaqla yanaşı, qərarvermə prosesini sürətləndirir və insan faktorundan asılılığı minimuma endirir. Süni intellekt müqavilələri təhlil edir, tarifləri müqayisə edir, uyğun daşıyıcını müəyyənləşdirir, sifarişi rəsmiləşdirir və yaranan problemləri operativ şəkildə həll edir.
Əvvəllər geniş komanda tərəfindən icra olunan proseslər artıq tam avtomatlaşdırılmış şəkildə həyata keçirilir ki, bu da dəniz logistikasında yeni mərhələnin başlanğıcı kimi qiymətləndirilir.
Seanews.az
