Beynəlxalq LNG İdxalçıları Assosiasiyasının (GIIGNL) illik hesabatına görə, 2025-ci ildə qlobal mayeləşdirilmiş təbii qaz (LNG) ticarəti 428 milyon tona yüksəlib. Bu göstərici əvvəlki illə müqayisədə 5 faiz artım deməkdir.
Denizxeber.az bildirir ki, artım əsasən Avropada LNG-yə tələbatın güclü bərpası və Atlantik hövzəsindən yeni təchizatın bazara daxil olması ilə əlaqələndirilir.
Hesabata əsasən:
- Avropa 126 milyon ton LNG idxal edib və bu, illik müqayisədə 29 faiz artım deməkdir.
- Yaxın Şərq və Afrika ölkələrinin LNG idxalı 69 faiz artaraq 18,2 milyon tona çatıb.
- Asiya regionunda idxal 4 faiz azalaraq 271 milyon tona düşüb.
- Şimali və Cənubi Amerika ölkələrində isə idxal 17 faiz azalaraq 12,3 milyon ton təşkil edib.
Qlobal LNG idxalında regionların payı belə olub:
- Asiya — 63 faiz
- Avropa — 30 faiz
- Yaxın Şərq və Afrika — 4 faiz
- Şimali və Cənubi Amerika — 3 faiz
GIIGNL hesabatında qeyd olunur ki, 2025-ci il LNG bazarı üçün həm ticarət həcmlərinin artdığı, həm də infrastruktur investisiyalarının və təchizat strategiyalarının sürətlə dəyişdiyi bir dövr olub.
