Rotterdam limanında ilk dəfə dəniz gəmisinə etanol bunkerlənməsi əməliyyatı həyata keçirilib. “X-Press Feeders” şirkətinə məxsus “Eco Levant” konteyner gəmisi etanol yanacağı ilə təmin olunub.
Bunkerlənmədən sonra gəmi etanol və metanol qarışığı ilə fəaliyyətini davam etdirib. Yanacaq qarışığının 90 faizini biometanol, 10 faizini isə ikinci nəsil etanol təşkil edib.
Etanol və metanol gəmidə ayrı-ayrılıqda qəbul edilib, daha sonra isə gəminin bort sistemində qarışdırılaraq istifadəyə verilib.
“X-Press Feeders” şirkəti bildirib ki, dəniz nəqliyyatında emissiyaların azaldılması məqsədilə alternativ yanacaq həllərinin tətbiqi və inkişafı istiqamətində fəaliyyətlərini davam etdirəcək.
Seanews.az
