Yaponiyanın hava və dəniz məlumatları üzrə ixtisaslaşmış “Weathernews” şirkəti sahil ofisləri üçün nəzərdə tutulmuş “SeaNavigator Mobile” adlı mobil tətbiqi təqdim edib.
iOS və Android platformaları üçün hazırlanan tətbiq real vaxt rejimində gəmi izlənməsi, AIS əsaslı xəbərdarlıqların alınması və reys planlarının mobil şəkildə təsdiqlənməsi kimi funksiyaları bir araya gətirir.
Şirkət bildirir ki, yeni sistem telefon və e-mail vasitəsilə aparılan vaxt aparan prosesləri əvəz edərək əməliyyatları daha operativ və çevik hala gətirməyi hədəfləyir.
Məlumata əsasən, əvvəllər təxminən 24 saat çəkən marşrut dəyişikliklərinin təsdiqi prosesi tətbiq vasitəsilə 30 dəqiqəyə qədər endirilib. Sistem eyni zamanda gəminin sürətinin kəskin azalması və ya drift vəziyyətinə düşməsi kimi halları avtomatik aşkarlaya bilir.
“Weathernews” yaxın dövrlərdə tətbiqə avtomatik plan göndərişi, marşrutdan yayınma xəbərdarlıqları və ETA dəyişikliklərinin idarə olunması kimi əlavə funksiyaların inteqrasiyasını da planlaşdırır.
Seanews.az
