Bakıda ilk dəfə Gənclər və İdman Nazirliyi ilə Azərbaycan Üzgüçülük Federasiyasının (ASF) birgə təşkilatçılığı sayəsində Avropa Su İdmanı Federasiyasının (European Aquatics) konfransı keçiriləcək.
Denizxeber.az bildirir ki, cari il oktyabrın 10-da təşkil olunacaq tədbirdə qitənin müxtəlif ölkələrindən olan federasiya rəhbərləri iştirak edəcəklər.
Nümayəndələr 2026-cı ilin “Dünya İdman Paytaxtı” seçilmiş Bakıda bir araya gələrək su idman növlərinin qlobal inkişaf perspektivləri ətrafında fikir mübadiləsi aparacaq, həmçinin icra olunmuş və planlaşdırılan gələcək layihələri müzakirə edəcəklər.
