ABŞ hərbi qüvvələri Sakit okeanın şərq hissəsində narkotiklərin qanunsuz dövriyyəsində istifadə edildiyi bildirilən üzən yanacaqdoldurma stansiyasını məhv edib.
Denizxeber.az bildirir ki, bu barədə ABŞ Cənub Hərbi Komandanlığı (SOUTHCOM) “X” sosial şəbəkəsində məlumat yayıb.
Məlumata görə, sözügedən obyektin narkotiklərin qanunsuz daşınması ilə məşğul olan qrupların fəaliyyətində istifadə edildiyi bildirilib.
ABŞ tərəfi əməliyyatın təfərrüatları, obyektin dəqiq yeri və hadisə zamanı itki olub-olmaması barədə əlavə məlumat açıqlamayıb.
Qurumun məlumatına əsasən, kəşfiyyat orqanları həmin gəminin “Los Choneros” adlı narkoterror təşkilatı ilə əlaqəli olduğunu təsdiqləyib. O, qeyri-qanuni narkotik ticarəti əməliyyatlarını dəstəkləmək məqsədilə fəaliyyət göstərib. Keçirilən əməliyyat zamanı stansiyanın şəxsi heyəti gəmidən çıxarılaraq Ekvador hökumətinə təhvil verilib, bundan sonra isə obyekt batırılıb.
